انا لا اشرب البيرة ولا امتلك سيارة تويوتا وكذلك لا اطيق رائحة السمك ولكن هذه الاعلانات بالاسفل اعجبتنى كثيرا.. بل والاغرب ان اثنان منهما جعلانى ابتسم !! فارتأيت ان تشاركونى تلك الابتسامة
Friday, February 02, 2007
Subscribe to:
Post Comments (Atom)
.
.
.
.
.
Radio Placebo
. . . . .
Lables
- I تهييـســـــــــــــات I (16)
- I ابن عم حديت I (12)
- I صور وتعليقات I (10)
- I تصميمات فلاشية I (5)
- I عن المدونة I (5)
Blog Archive
- March 2010 (1)
- May 2009 (1)
- April 2009 (1)
- October 2007 (4)
- September 2007 (4)
- July 2007 (1)
- June 2007 (2)
- May 2007 (3)
- April 2007 (1)
- March 2007 (2)
- February 2007 (3)
- January 2007 (3)
- December 2006 (1)
- November 2006 (9)
- October 2006 (5)
- September 2006 (8)
Blogs to visit
New Post Notifier
About Me
- u3m
- As the name suggests
موقع راديو المدونة
14 Comments:
مش عارف اقول حاجة الأعلانات قاتلة
وهنا ااطلب من كل الزوار الكرام محاولة تذكر اسواء اعلان مر على التلفزيون المصرى
أنا أحسدك
أنا أحسدك
أنا
أ
ح
س
د
ك
متشكرين يا هشام افندى على ردك الظريف بس ايه حكاية التذكر اللى طالعة عليك اليومين دول ؟؟ ما انت عارف ان ذاكرتى عشوائية انتقائية حلزونية .. وبعدين السؤال نفسه فاسد .. مينفعش تطلب منا حصر بلاوى التليفزيون المصرى فى حاجة واحدة بس
الزرافة الحسودة !!
فى صفحتك بتقولى انك بتحسدى الاغنياء والفقراء .. ممكن اعرف انتى صنفتينى تحت اى بند ؟؟
عموما ياستى .. ربنا يديكى زى اللى عندى .. حلو كده ؟؟
أسكندرانى ومش بيحب السمك.........أنا شاكك فيك أوعى تكون عميل من القاهرة وعايش فى أسكندرية؟ وبعد ين أيه موضوع مش بتشرب بيرة دى طب قسماً عظماً الشيخ المحلاوى فى أحد الخطب قال أن البيرة حلال و(خاصة للعيشين فى ألمانيا).
بالنسبة لأسوء أعلان فى التلفزيون المصرى فأعتقد أن السؤال يميل للتعميم الشديد وهنا يجب التخصيص لذلك يجب أن يكون السؤال :هل تتذكر أعلان جيد فى التلفزيون المصرى
علاء السادس عشر .. مش عارف ليه كل ما اقرأ اسمك ابقى عاوز اغير تسمية ايماتيور دى الى التمنياوى طه .. واكيد اللى بيلعب فى دور التمانية افضل من اللى بيلعب فى دور الستاشر .. مش كده ولا ايه ؟ :o)
هو ياسيدى الفاضل انا اسكندرانى المولد والنشأة وساكن قريب من البحر كمان لكن حبى للسمك توقف من وانا عندى خمس سنين .. بت ذاتس انزر ستورى .. على رأى الراجل بتاع فيلم ايرما لادوس.
اما موضوع البيرة المحلاوى ومنتجات شركة الاهرام للمشروبات وستلا وهاينكن وميستر فده موضوع كبير له علاقة بالبيتزا والنجرسكو والخردواتى اللى جنب بيتسيريا روما
بت ذاتس السو اذ انزر ستورى
واخيرا بخصوص استقصاء الرأى اللى اخونا هشام مؤسس جمعية شبيبة هتلر طرحه
فأنا متفق معاك فى ان السؤال المفروض يتعكس
لان الاعلانات عندنا ملهاش طعم .. من ايام طلعت يوحنا ولاشين وطارق نور وغيرهم كانت متواضعة جدا دلوقتى بعد ما كترت شركات الدعاية والاعلان كثرت الاعلانات المسروقة بالكامل من مثيلاتها الاجنبية (يا إما الفكرة او الموسيقى او الاتنين مع بعض) والقليل جدا من الموهوبين تركوا مجال الاعلانات واتجهوا لاخراج الفيديوكليبات للمطربين الغلابة اللى معهومش فلوس كتير .. لان المطربين الاغنياء بيجيبوا مخرجين اجانب دلوقتى لاخراج كليباتهم .. وبرضه بيطلع الشغل اغلبه مقتبس او منقول .. مش عارف ليه الابداع فى المجال ده اصبح نادر جدا جدا.
عموما انا احسن اعلان باحمل له معزة خاصة هو اعلان
اجرى بسرعة يا واد يا حسين
شوفلنا ريرى بيتباع فين
وهاتلنا منه باكو واتنين
.
.
جانا ريرى جانا .. صقفوا وقولوا معانا ..
(تقسيمةموسيقية قصيرةو لذيذة)
يا مشبعنا ومغذينا يا مكبرنا ومقوينا
البركة فى ريرى ريرى
الصلاة على الزين الصلاة على الزين
طالما نشأت وترعرعت فى الأسكندرية تبقى أسكندرانى أصيل بغض النظر عن مشاعرك بالنسبةللسمك وأن كان يهمنا معرفة الستورى.
بالنسبة للتسمية فطبعاًالربعاوى طه أو طه النهائى تحمل الكثير من التمييز والأنفراد.
طبعاً دعاية ريرى مشكلة وهناك أيضاً دعاية :شهادات شهادات شهادات الأستثمار
ومنذ عدة سنوات كان فيه دعاية لمعجون أسنان فيهاالمعلم اللى قاعد على القهوة وبيعاكس واحدة ست وبيقولها بتغسل سنانك بأيه ياجميل .
إيماتيور..
الاعلانات الثلاثة .. حكاية.
خصوصا الياباني لأني من محبي منتجات اليابان وبضايع اليابان.
بالنسبة ياشباب للاعلانات أنا عندي أربعة مفضلين:
أولهم ريري ريري
أنا جيت أهوا بشكل جديد
ومعايا فيتامين كله حديد
تانيهم شهادات الاستثمار .. بتاع المسلسل أمتي؟ حالا
ثالثهم ديكسان ديكسان .. وأنا رحت في خبر كان
ده مبيد خطير ليا ولاخواني المناشير
رابعهم إعلان كفروتكس
اللي يضايقها تديلوه بوكس
وأملاها دايما بالكفروتكس
وان شوفتو بيتا مريح ولوكس
والفضل كله للكفروتكس
وللبخاخة اللي اسمها توتو
والحشرات منها بيموتوا
والفضل لمين للكفروتكس
أسرع مبيد كفرو .. كفرو .. كفروتكس
بالاضافة الي اعلانين .. هناء وشيرين وإعلان بونبون سيما بتاع محمد كوجاك هات بونبون سيما يا كوجاك.
وأخيرا إعلان أنا موش مبسوط انا عايز كيك علي وزن اغنية المرحوم جيمس براون آي فيل جود.
أي خدمات يا أصدقاء.. وليد وراندا في الفضاء
والبركة في الفوتوجرافيك ميموري.. والحمد لله
تحياتي
ايماتيور
البلوج بتاعك على رأى اخوانا الشوام بيعقد
الاعلانات دى دمها خفيف قوى بالاخص اعلان البيره بصراحه تحفه ايه كل المجاميع دى لموا رجاله القريه كلها عشان يعملوا الاعلان دول باين عليهم عالم فاضيه
ربنا يديهم الصحه وياخدها منهم تانى عشان بيشربوا خمره:)
بعد اذن السياده انا حطيت لك رابط فى البلوج تبعى
جميل هذا الجهد وهذا الانتقاء الذكي للإعلانات الثلاثة
لعل وعسى عرض مثل هذه الإعلانات يسهم يوماً في تحسين ذوق المشاهد والمعلن في بلادنا
أقول: لعل!
شكراً لك مرة ثانية
علاء باشا .. انا مش فاكر الاعلان بتاع معجون الاسنان ده !! .. يكونشى هو نفس الاعلان بتاع آرتف بالفلورين .. معجون المعاجين ؟؟ ولا ده واحد تانى ؟؟؟؟
دكتور وليد ... كل دى اعلانات ؟؟
طب انت نسيت اعلان تانى من نفس الكاتجورى .. كان بيقول
عاوز لبان ... انا عاوزه الآن
سامبا ومزيكا وبوسى كاااات
وفى الخلفية واحد بيقوله بطّل بطّل
شيكو.. شكرا لمجاملتك الرقيقة .. وبخصوص اعلان البيرة .. فبالرغم من ان فيه مجاميع كبيرة .. الا انهم اكيد استخدموا الجرافيك لزيادة تلك الاعداد لتبدو بالشكل اللى ظهر فى الاعلان
عموما .. وضع رابط لمدونتى عندك شىء يشرفنى
شكرا لمرورك
د.ياسر .. الافكار الجميلة فى الاعلانات كتيرة لكن نصيبنا من هذا الابداع دايما قليل مش عارف ليه .. يمكن عشان المردود دايما قليل او التكلفة اعلى مما ينبغى او المشاهد المصرى تعود على المباشرة او الفجاجة زى ما بيحصل فى اعلانات قناة الناس اللى مكسرة الدنيا .. الله اعلم
شكرا سيدى الفاضل على مرورك وتعقيبك
Post a Comment