"لازم يكون فى واحد مسئول يخلى الباقيين مش مسئولين" خالد ابو النجا من فيلم امبراطورية ميم
" اللى ملوش اهل .. الحكومة اهله " راقية ابراهيم - زينب
"الحكومة ملهاش دراع علشان تتلوى منه .. وده آخر كلام عندى " كمال الشناوى - الارهاب والكباب
"الحكومة ملهاش دراع علشان تتلوى منه .. وده آخر كلام عندى " كمال الشناوى - الارهاب والكباب
"ماشى يا بنى إدميين .... " محمد سعد - اللمبى
" احنا صغيرين اوى يا سيد ... لا يا امى احنا كبار .. بس مش عارفين نشوف نفسنا" سناء جميل واحمد زكى - اضحك الصورة تطلع حلوة
"مشكلة ابويا انه مش قادر يصدق انه اعمى !! " شريف منير - الكيت كات
"عالم وسخة" محمود عبدالعزيز - الكيت كات
"يا ابن الكلب يا بابا !! " عبدالمنعم ابراهيم - بين القصرين - محذوفة من نسخة التلفزيون المصرى طبعا
" عيب ياسى محمد " فاطة رشدى - العزيمة
" عيب ياسى محمد " فاطة رشدى - العزيمة
" طز" حمدى احمد - القاهرة تلاتين
"الجواز مش للغلابة اللى زينا " احمد زكى - الحب فوق هضبة الهرم
" انا حلمى كان صغير وفضل يصغر يصغر لحد ما اختفى ومبقتيتش قادر اشوفه " علاء ولى الدين - عبود على الحدود
"الغازية لازم ترحل يا كامل افندى " - البوسطجى
" جاموستى يا عمدة" - الزوجة الثانية
"عليكى لعنة الفلاح !! .. خديها من فلاح ابن فلاح " يوسف وهبى - الافوكاتو مديحة
" كلنا مجرمين وكلنا ضحايا " كمال الشناوى - الكرنك
"انهم جياع يا عظمة السلطان" - الناصر صلاح الدين
"امسحى دموعك ياآمال" زكى رستم - نهر الحب
" كلكم بقيتم فتوات ؟؟ امال مين اللى هيتضرب ؟؟ " توفيق الدقن - الشيطان يعظ
" اعمل نفسك ميت . اعمل نفسك ميت" علاء ولى الدين - الناظر صلاح الدين
" احنا لو رحنا الجنة مش هنلاقى حد نعرفه !!" عادل ادهم - الراقصة والطبال
" اللى يشوف مصر من فوق غير اللى يشوفها من تحت " عادل امام - طيور الظلام
"هى دى مصر يا عبلة " محمود ياسين - الصعود للهاوية
" كنت مغفلُ " عبد المنعم مدبولى - الحفيد
" كلكم اقطاى " تحية كاريوكا - وا إسلاماه
" كلكم اقطاى " تحية كاريوكا - وا إسلاماه
" واطيعوا الله والرسول واولى الامر منكم - انت هتكفر يابنى ؟؟ " البارودى - الزوجة الثانية
" الحشيش لو حلال ادينا بنشربه .. ولو حرام ادينا بنحرقه " نور الشريف - العار
" الراحة مبتجيش غير بطلوع الروح" شكرى سرحان - اللص والكلاب
" يالك من شنقيط !!" عبدالمنعم ابراهيم - اسماعيل يس فى الاسطول
" انا امى بتتخن من الجوع " - عمرو سعد - حين ميسرة
" وعقابا ليك .. هتتجوز مراتى " عمرو عبدالجليل - حين ميسرة
" دى بأه من منشآتى انا" عبد الفتاح القصرى
" انا لو كنت باعلم كلاب كان زمانى بقيت مليونير .. بس انا بتاع بنى آدمين" نجيب الريحانى - غزل البنات
" الكوونياك .. مشروب البنت المهذبة" استيفان روستى
" مدام .. تسميحلى بالرقصة دى ؟ .. ماترقص ياخويا هو حد حايشك!!" استيفان روستى - فردوس محمد
" عملوا ليك ايه الناس يا زرياب ؟ " اشرف عبدالباقى - آيس كريم فى جليم
" مادام بطيخ مولانا اقرع .. يبقى مولانا اقرع " فريد شوقى - السوق
" على ايامنا كانوا البنات بيتمنوا اى حاجة فيها شعر وريحتها سجاير" هدى سلطان - عودة الابن الضال
" انت من الاحرار يا على " صلاح ذو الفقار - شكرى سرحان - رد قلبى
" كل اللى بيروحوا السينما هيدخلوا النار " محمود حميدة - بحب السيما
" واحد مصاحب على علوكة واشرف كوخة عاوزينه يطلع ايه ؟ " محمد سعد - اللى بالى بالك
" جاتكم القرف مليتوا البلد " محمد هنيدى - جاءنا البيان التالى
" شعبى يقول عليا ايه " احمد زكى - السادات
" ورحمة ابويا تعبت " منى زكى - سهر الليالى
" محدش بياكلها بالساهل " نجمة ابراهيم - ريا وسكينة
" الحلوة اتكلمت ياعم شبرواى .. طلعت قماش !! " فؤاد المهندس - عائلة زيزى
" متبسطهاش اكتر من كده" عبد السلام النابلسى - شارع الحب
"مسيرها تروق وتحلى" احمد زكى - احلام هند وكاميليا
" حمرا !! " احمد حلمى - ظرف طارق
" ان خايف التعويرة تكبر تكبر لحد ماتضيق علينا المكان " محمد سعر - كركر
" انتى مدخلتيش دنيا ؟ ولا دخلتى وبتستعبطى؟ عادل ادهم - ثرثرة فوق النيل
" اهى لطمت بالبلدى بنت سلطح بابا" يوسف وهبى - اشاعة حب
" بابا مين ياله ؟ " عمر الشريف - احمد فرحات - اشاعة حب
" انت متبت فى الفرشة كويس ؟ " الخواجة بيجو
" التخزين كان شغلة ابو دقشوم والدفاس الله يرحمهم" فيلم العار
" انزل معايا الملاحة يابو كمال " نور الشريف - العار
" اعملَه فتحتين من ورا" - الضيف احمد - افلام عبدالحميد الترزى
-*-*-*-*-*-*-*-*-*-**-*-*-*-*-*-*-*-*-*-*-*-*-*-*-*-
طبعا لانى افلست ومفياش دماغ اكتب حاجة جديدة هاكتفى باعادة كتابة حاجات قريتها وعجبتنى.
السطور اللى فوق دى من كتاب " ابن عبدالحميد الترزى " لعمر طاهر من الفصل قبل الاخير بعنوان " افضل مائة جملة سينمائية يمكن كتابتها على الميكروباصات والتوك توك"
انا نقلت اغلبهم مش المائة كلهم مع تلت او اربع جمل من عندى .
13 Comments:
اولا حمد الله على السلامة ياعم الحج
تانى حاجة ما عاش الى يقول انك فلست دا جيب السبع ما يخلاش
اما بخصوص الجمل المضاقة فنتى نسيت اتنين
انتا الى جابك هنا يلى خد حبة زيت تموين عجب عادل امام الوادسيد الشغال
و انزل ياهبل يابن الهبل النصرصلاح الدين
ام عبد الحميد الترزى فهولمن لا يعلم المنتج الكبير الى عمل عودة الندل واعملوو فتحتين من ورا
أنتظر عودتك إلى الكتابة بانتظام، لأن كتاباتك لها مذاق خاص
أعتقد أنك بطريق السهو، كتبت "طز" أحمد حمدي "محجوب عبد الدايم"، والمقصود هو حمدي أحمد
كذلك أنت تقصد أحمد حلمي في "ظرف طارق"، ليس أحمد زكي
كما قلت لك، أتمنى استئنافك الكتابة قريبا
مودتي الخالصة
DIY CNC
الله يسلمك يا هشام افندى
طب تصدق بإيه انا نقلت الكام جملة دول علشان خاطرك انت !! لانى عارف انك بتعز عائلة عبحميد الترزى جدا
اما بخصوص الجمل اللى انت بتقول انى نسيت اضيفهم .. فهم بالعشرات مش اتنين فقط بس انا مرضيتش ازود كتير عن اللى "عمر طاهر " كتبهم .. يعنى مش كفاية انى سارق كلامه ..كمان هاعدل فيه
اما بخصوص الفتحتين اللى من ورا .. فهى رجعت موضة تانى ودلوقتى نادرا لما تلاقى جاكت بدلة بفتحة واحدة .. خلاص بقت موضة قديمة :o)
د.ياسر
منور المدونة دائما .. انا تعجبت لما وجدت تعقيب من حضرتك ..لم اتوقع ان هناك من يزور المدونة باحثا عن اى جديد بخلاف من يوقعهم حظهم السيىء ويوجههم الى هنا !!
واغلبهم ضلوا الطريق او اَضِلّوا بواسطة الحاج جوجل شيخ حارة الانترنيت
انا ايضا بإنتظار عودتى للكتابة بانتظام لعلى استشعر مجددا تلك اللحظات اليوفوريية عندما اقرأ تعليقاتكم على ما اكتبه
بخصوص الاسماء . شكرا للتنبيه وقد تم التعديل واصلاح الاسماء كما اشرتم .. وجل من لا يسهو
دمت بخير سيدى الفاضل
حمد لله علي الرجوع يا بلاسيبو الناس الغلابة ..والله لك وحشة
إنت عليك حاجات ياجدع!! أنا قرأت البوست قلت حلو .. واحد بيكتب عن السينما ودمه خفيف، جبت الكتاب علي الانترنت وقرأته في ١٢ دقيقة بالضبط - شكرا لميكانزمات القراءة السريعة - لقيت إن فعلا دمه خفيف بس كسول وجاهل بتاريخ السينما .. أنا عارف ان الكتاب هزار وغرضه الضحك لكن وخد بالك من لكن أي عمل حتي ولو هزلي لازم يكون جد .. والكاتب نفسه اللي هو عمر طاهر اللي عمري ماسمعت عنه بيقول إنه بيكتب تاريخ عن طريق الهزار .. يعني هو متصور ان السينما المصرية بدأت بالوردة البيضاء وحسين صدقي، يعني لايعلم شىء عن عزيزة أمير وبهيجة حافظ والاخوين لاما ووداد عرفي وشالوم .. وكمان بجهل عجيب أكد أن الموسيقي التصويرية بدأت بعم أندريا رايدر مع أنه يسبقه بسنوات محمد حسن الشجاعي وابراهيم حجاج وفؤاد الظاهري .. وهكذا. تاريخ السينما لديه مشوش وضبابي وأسود هبابي .. دي واحدة من آفات ثقافة المعيز اللي ماشية في مصر منذ زمن خالد الذكر زعيم الغوغاء.
المهم .. أعتقد أن هناك جمل أكثر أهمية لم تذكر ودي عينة
"وكله من الذاكرة وحياتك مع إعتبار اني بقيت عندي أربعين سنة.. ١٦ منهم من غيرة مراجعة المنهج لاسباب الهجرة ..ها"
- وعايزني أكسبها .. محمود المليجي اسكنرية ليه "أهم وأكثر جملة مكثفة ومعبرة"
- خمس أيام مايكفوش .. محمود المليجي في الأرض
- بس لو كنت خدت الوصل .. سليمان نجيب الناس اللي تحت
- ربنا بيرزق الدود في الحجر يا بقو .. في الحجر يابني آدم مش في البدروم .. اسماعيل ياسين عفريتة هانم
- البلد دي مش بلدنا يا شاكر .. أحمد عبدالعزيز عودة مواطن
- جايلاااااااااااك ياعدوية .. يحيي الفخراني خرج ولم يعد
- أنا ممكن أتنازل وأشيل لك الشنطة، بس ماعنديش استعداد أتنازل وأجيب لك عصافير .. ممدوح عبدالعليم سوبر ماركت
- علشان تبقي مليونير الفلوس يا تورثها ياتتجوزها ياتسرقها .. عادل أدهم سوبر ماركت
- آه يا بلد .. عبدالرحمن الخميسي الأرض
- قناوي يابني ده أنا هاجوزك هنومة .. حسن البارودي باب الحديد
- ويرزقكم من حيث لاتعلمون، ويرزقنا من حيث لا ندفعون .. القصري في لوكنت غني
- وين هنادي ياخال ، هنادي خدها الوبا .. عبدالعليم خطاب دعاء الكروان
- مش مهم البيت، المهم الناس اللي عايشة في البيت ولازم تعيش .. محمود عبدالعزيز الكيت كات
- نشت يافالح، أسفوخس ع اللي مسكهولك .. استيفان روستي عنبر
- معلهش يازهر .. زكي رستم معلهش يازهر
- احلى من الشرف مفيش .. توفيق الدقن أحبك ياحسن
- لا مؤاخذة يا والدى,اصل انا عندى شعرة,ساعة تروح وساعة تيجى.. حسن أتلة اسماعيل ياسين في مستشفي المجاذيب
- "هو العشا أمتى ... آآآآآآددددددده ه ه ه" .. سيف الله مختار في كل أفلامه
- شغلتك على المدفع بو رروو لوم .. رياض القصبجي اسماعيل ياسين في الاسطول
- والبحر يامحمود، أخر ملجأ من حمورية الناس .. عزت العلايلي الإختيار.
كفاية كده علشان أنا ممكن أقعد لبكره.
ده يمكن أكتر تعليق استمتعت بكتابته
تحياتي لك ولشارع باترس لومومبا وخلينا نطمن علي أخبارك
د.وليد
يا الف حمدلله على السلامة .. انا فرحت والله لما لقيت اسمك منور فى المدونة.
بخصوص كتاب
عمر طاهرفهو زى ما حضرتك ذكرت كتاب خفيف للتسلية ولا يمكن اعتباره كمرجع باى حال من الاحوال ..اما جزئية ان اى عمل هزلى لازم يكون جد فانا هاعقب عليها بعبارة د. اسامة اللى قريتها عند د.خالد
وهى ان "الموضوع فعلا هزار مش جد" وهو ده الوضع القائم عندنا فى مصر
بس عموما متقلقش اوى .. دلوقتى اللى عاوز يعرف معلومة ما بيلجأ للنت وليس للكتب الخفيفة واغلبهم عارف ان موقع الويكيبديا مش شرط يعطى معلومات صحيحة تماما فبيلجأ لاكثر من مصدر للمعرفة.
عموما خد عندك كام عبارة تانيين على سبيل الاستفزاز :o)
"You can't handle the truth" Jack Nicholson's Afew Good Men
"I am in the Dark here" Al Pacino's Scent Of A Woman
" I had a farm in Africa" meryl streep's Out of africa
"Houston.. we have a problem" توم هانكس - ابوللو ثرتين
واخيرا احب اطمنك ان شارع باتريس
لومومبا لسه كويس وبحاله "تقريبا" زى ماهو
ولم تطالها يد التطوير الهمجى مثل باقى شوارع الاسكندرية العتيقة . وعاشت الشلالات حرة مستقلة
حاعلق على التدوينة دى بأثر رجعى
..
العبارات الاخيرة استفزتنى انا بصراحة ..فإليك هذه العبارات البسيطة على سبيل الاستفزاز برده
:)
"Mum always did say that life was like a box of choclates. You never know what you're gonna get"
توم هانكس _ فوريست جامب
"open the gaaaaaate"
عبد المنعم ابراهيم _ بين السما والأرض
"يو بيتش مى باربانداا .وانا حاضربك على وشك"
أميتاب باتشان _ فيلم هندى مش فاكرة اسمه ولا عايزة افتكر
:)))))))
Jana
اختياراتك رائعة الصراحة مش عارف اقول ايه .. بالذات فيلم بين السما والارض .. ده تحفة فى حد ذاته
بالنسبة لآخر فيلم فأعتقد انه فيلم "قمر اكبر انطوانى" بس مكنتش عارف انك بتتكلمى هندى بالطلاقة دى
Namastie Mahraja
:o)
ياااااااااااه حمد لله ع السلامة يا افندم
والله حرام تبطل كتابة ..بجد
Anonymous شكرا لمرورك
ولو انى مش عارف انت مين .. بس يبدو انك كنت بتيجى كتير زمان
الله يكرمك يا عم على مجاملتك الرقيقة وربنا يسهل والاقى دماغ اكتب حاجات جديدة تبسطك ..
شكرا مرة تانية
حلوة جدا يا ي
يا جامد
العزيز د.اسامة
يا الف اهلا وسهلا يا دكتورنا الكبير نورت المكان والله ..هى التدوينة دى زى ماقلت فى آخرها ملطوشة من كتاب خفيف قريته ولم اضف اليها الا ستة جمل بالعدد . انا نقلتها علشان عارف ان اى حد هايقراها هتستدعى عنده بعض الذكريات وهيطلع هو كمان بكام عبارة تانى مش مذكورين يكونوا علقوا معاه او اثروا فيه لما سمعهم.
منور بجد يا دكتورنا :o)
سبحان الله
كتبت تدوينة مشابهة من 2007 بها بعض العبارات التي أثرت في من عالم السينما ولم أكن أعلم بكتاب عمر طاهر
الكلام اللي يتقال بحماس لازم يتسمع بحماس
ختلي بالك :)) خت
سعاد حسني في خلي بالك من زوزو
الليلة يا عمدة
سناء جميل في الزوجة التانية
لما كتا رجالة ووقفنا وقفة رجالة
محمود المليجي في فيلم الأرض
ياه فعلا السينما ممكن تشكل وجداننا
http://crystal-oasis.blogspot.com/2007/11/31.html
ده لينك التدوينة فيها جمل برضه من بعض الأفلام
تحياتي
Post a Comment