Sunday, October 22, 2006
ست سنوات ام ست دقائق Noah Kalina
Noah K.
اسمه نوح كالينا .. شاب امريكى يبلغ من العمر 26 عاما ويعيش بنيويورك .. يعمل مصورا ويأمل ان يستطيع التقاط صورة شخصية واحدة لنفسه كل يوم حتى آخر عمره.. بدأ تلك المهمة فى سنة 2000 ليصل عدد الصور التى التقطها لنفسه حوالى 2356 صورة حتى يوليو 2006 ..يوجد موقع لرؤية صورته اليومية وكذلك موقع آخر لرؤية فيلم قصير اسمه "كل يوم" عبارة عن عرض سريع للصور الملتقطة مصحوبة بموسيقى مناسبة جدا لكارلى كوماندو .. والغريب فى آخر فيلم اصدره والذى يحوى صور 6 سنوات والذى ايضا اصابنى بالدوار بعد مشاهدته اننى شاهدت تعبير واحد حزين فى كل صوره .. كيف استطاع ان يحتفظ بنفس التعبير ونفس النظرة لكل هذا الوقت ؟؟ وبرغم هذا احسست بعد مشاهدتى للفيلم انه استطاع ان يرينى ست سنوات من عمره فى 6 دقائق !!! شاهد الفيلم بأعلى وقل لى رأيك
Subscribe to:
Post Comments (Atom)
8 Comments:
شوفي العيون القبطية دي مشكلة
الواد عينيه زي العنين اللي بتشوفيها فوجوه الفيوم ، عميقة و حزينة جدا
السلام عليكم
تصدق بإيه فكره هايله فكره الراجل دا .. بس دا باله رايق قوى يا عمى مش متخيل من سنه 2000 كل يوم بيصور نفسه طيب بياخد صوره واحده بس كل يوم يا ترى فى أى وقت بيصورها ؟ و ايه الهدف من التصوير .. هل عاوز يشوف علامات تمدد الجلد و تقدم العمر مثلا !!
استاذ ربيع
اسعدنى مرورك ..
وجوه الفيوم بتفكرنى بالمتحف اليونانى الرومانى عندنا فى اسكندرية .. لكن نوح افندى ده بالرغم من انه قبطى لكن مفيهوش اللمحة الاغريقية الموجودة فى وجوه الفيوم .
ملحوظة بسيطة : انا هو ولست هى :o)
دكتور عماد
حمدلله على السلامة .. وكفاره ان شاء الله
بالنسبة لنوح افندى ده لو اخذنا فى الاعتبار انه مصور اصلا .. يبقى اكيد بيشوف كل حاجة بعيون غير عيوننا وله رؤية معينة فى تصور الاشياء خصوصا لو اصبحت ذات بعدين فقط بعد ان كانت ثلاثة ابعاد ..عشان كده دايما تلاقى ان الصور الثابتة لها طعم مختلف تماما عن لقطات الفيديو كما انه فى لحظات اخرى الصور الابيض واسود بتبقى اوقع واحلى من الصور الملونة.. ومن كل ماسبق استنتج ان اللى كان فى دماغ اخينا نوح افندى قبل ما يبدأ مشروعه حاجة تانية اعمق من اللى فى بالنا (شغل فنانين بأه تقول ايه)
.. كماانه ممكن يكون اى حاجة تانية .. رغبة فى الشهرة .. جنان رسمى .. بيدور على سبونسر .. مشروع تخرج فى معهد السينما .. حاجات كتير يا دكتورنا
شغل جميل قوي
مش عارف ليه قلت انه قبطي؟؟
هو واضح انه مبدع
ومصور جيد
وعلى فكرة ليه بيصور نفسه ده موضوع مالوش اهمية
هو بيبدع في علاقة مع ذاته
وده من اكتر انشغالات المبدعين في امريكا دلوقتي
يعني مشاكلهم مختلفة
ورؤيتهم للعالم مختلفة يا ايماتيور
انت اللي رايق بجد بتدور على حاجات عجيبة وجميلة قوي
تحياتي
على فكرة مرة تانية الموضوع ده ممكن يتعمل عليه تحليل بصري وفلسفي كمان
دكتورنا العزيز دكتور اسامة
كل سنة وانت طيب
موضوع قبطى ده كان رد على سبرينج لأنه قارن بينه وبين صور وجوه الفيوم القديمة.
اما موضوع انه مبدع فهو فعلا مبدع ومحير ايضا ..ياريت فعلا يا دكتور نقرالك فى مرة تحليل بصرى وفلسفى للمشروع ده لان تحليلاتك بتخلينا نشوف الموضوع بعين جديدة
والله الفكرة جميله فعلا
انا عن نفسي بعملها مع بنتى
من وهيا عندها يوم
وهيا دلوقتى عندها 5 شهور
بس باخد صور عاديه
مش ثابته
بس على فكرة انا مش عارفه اشوف الفبلم
مش ظاهر عندي مش عارفه ليه
رأيي
يا خسارة اني متابعتش المدونة ديه من زمان لأن الفيديو مش موجود دلوقتي :(
Post a Comment