لست من مريدى المطرب سامى يوسف الاذربيجانى الاصل ايرانى المولد بريطانى الجنسية مسلم الديانة وقد افضل عنه كات ستيفنز/يوسف اسلام او حتى Zain Bhikha الذى انتشرت احد اغانيه على انها اغنية لمايكل جاكسون بعد ان اعلن اسلامه !!! - تماما كما اسلم كلا من بابا الفاتيكان وجورج بوش والممثل ويل سميث سرا .. والبقية تأتى- الشاهد فى الموضوع انه برغم تحفظى على مطربى "السبوبة" الدينية - والله اعلم بما فى القلوب- الا انه قد اعجبنى اداء سامى يوسف فى اغنيته الاخيرة " اسماء الله الحسنى" فارتأيت ان ان اضعها هنا فى المدونة بمناسبة انتهاء شهر رمضان الكريم
وان كان اداء سامى يوسف قد اعجبنى الا ان اداء مخرج الكليب لم يعجبنى كثيرا كما افهم لماذا جعل الثلث الاخير من الاغنية مظلم ملىء بالظلال .. حتى ملابس المطرب والكورس كانت سوداء .. لماذا لم يستمر بالبداية البيضاء للكليب وختمها بالسواد ؟؟ ياريت اللى يعرف يقولى
وكل عيد وانتم طيبين.
ملحوظة : لاتنس ان توقف راديو المدونة على يسارك حتى لا تتداخل الاصوات
وان كان اداء سامى يوسف قد اعجبنى الا ان اداء مخرج الكليب لم يعجبنى كثيرا كما افهم لماذا جعل الثلث الاخير من الاغنية مظلم ملىء بالظلال .. حتى ملابس المطرب والكورس كانت سوداء .. لماذا لم يستمر بالبداية البيضاء للكليب وختمها بالسواد ؟؟ ياريت اللى يعرف يقولى
وكل عيد وانتم طيبين.
ملحوظة : لاتنس ان توقف راديو المدونة على يسارك حتى لا تتداخل الاصوات
5 Comments:
سامي مش بطال بس برضه مش اللي هو يعني
عندي مشكلة مع الاغاني و الكليبات اللي بالطريقة دي
يا ريت تبص على فرقة ارابسكا في نهاوند
او قسم الغناء الصوفي
نصرت او شعبان
مش عبد الرحيم
دكتورنا الكبير
حمدلله على السلامة .. مفتقد تعليقاتك بجد
انا مش من هواة الكليبات عموما بس هو الكليب ده اللى وقع فى سكتى .. اما سامى افندى يوسف فكما قلت فى بداية التدوينة انا برضه مش من مريديه وكان السبب فى ذلك اغانيه الاولى اللى انتشرت كرنات موبايل بشكل مستفز .. هى الاغنية دى بس اللى اعجبنى فيها اداؤه مش عارف ليه !! .. يمكن يكون تأثير شهر رمضان !!
انا هادور على شغل فرقة ارابيسكا فى جوجل لانى عندى مشكلة فى دخول نهاوند بعدما توقفت لفترة طويلة عن الدخول هناك.
كل سنة وانت طيب يا دكتور اسامة
انا من المتابعين لمدونة حضرتك من سنة تقريبا أو أكتر وباحترم كل ما كتبته ويمكن كمان باتفق معاك فى معظمه لكن المرة دى لا للأسف ..ليه حضرتك بتسميها سبوبة دينية؟ وكل باقى أنواع الأغانى ايه؟ سبوبة ثقافية؟
وهو ذنب سامى يوسف ان الناس عملت أغانيه تونز؟ انا مستغربة فعلا ليه كل حاجة تحتها كلمة اسلامى او دينى بتبقى عرضة للنقد بالشكل ده؟ هو مش دفاع عن سامى يوسف اللى انا بقى من مرييييييديه (ده تعليق للمشاكسة بس ) يعنى مش غلط ان زى ما فيه أغانى عن كل حاجة فى الدنيا تبقى فيه أغانى بتقول تعالوا نقرب لربنا...وعلى فكرة اسمح لى انفى عن نفسى تهمة المراهقة وحكاية البنات المنجذبين لوسامته والكلام ده لانى دخلت خلاص ويا ويلى فى حقبة التلاتييييييييين ..باختصار يا استاذى الفاضل الراجل فى أغانيه بيقول تعالوا نعبد ربنا مش بيقول تعالوا نرقص..ولا صحيح بلاش احسن حد يقول ارهابية دخلت عند حضرتك...وشكرا على الكليب بتاع سامى اللى حضرتك راضى فيه عنه
الاخت الفاضلة الانونيمس
اولا مرحبا بك فى مدونتى المتواضعة
ثانيا ... بقالك سنة بتزورى المدونة ولم تعلقى الا لما قرأتى تدوينة لم توافق هواكِ
طب انا هاكتب مواضيع مستفزة بعد كده علشان الناس الصامتة تعلق عندى :o)
ثالثا .. حضرتك بتسألى بقية انواع الاغانى
نسميها ايه ؟ سبوبة ثقافية؟
لأ حضرتك هى سبوبة بس .. لان اى حاجة يمكن تصنيفها تحت بند ثقافية يادوب بتأكّل عيش فى الزمن ده ولا يجوز دمجها مع كلمة سبوبة .. وانا لا اعتقد ان القنوات العربية بتاعتنا بتذيع اى حاجة ثقافية
اما سؤالك بخصوص السبوبة الدينية فده صعب اجاوب عليه هنا فى خانة التعليق .. ده عاوز سلسلة تدوينات لوحده
انا بس هاسألك .. لو هو فعلا الحاج سامى يوسف بيغنى ويقول تعالوا نعبد ربنا .. ليه اغنيته مبتتذاعش الا على قنوات مزيكا وميلودى و قناة هشّك بشّك واى قناة بتذيع كليبات واغانى من بتاعة تعالوا نرقص؟ ومبتتذاعش على قناة "الناس" مثلا ..واللى مبيشوفهاش غير الناس اللى عاوزين يعبدوا ربنا ومش عاوزين يرقصوا دلوقتى ؟
علشان قنوات مزيكا وخلافه بتدفع فلوس .. لكن قناة الناس مبتدفعش فلوس
ده طبعا مع تحفظى الشديد على قناة "الناس" واللى هى اوضح مثال للسبوبة التجارية
سؤال تانى .. ليه الحاج سامى يوسف اول ما نزل اغنيته عمل اتفاقية مع شركة فودافون بحيث اتاح لها حصريا حق بث اغنيته على شبكتها للتليفون المحمول قبل ما تنزل فى اى قناة ؟؟ وياترى اخد كام على كده ؟؟
طب ماهو الشيخ الشعراوى فى اواخر ايامه كان بيقول تعالوا نعبد ربنا برضه بس من غير ما يغنى وكان بيرفض ياخد اى فلوس نظير نشر كتاباته وكان بيخلى كتيباته لتفسير القراءن بسعر التكلفة مع مكسب بسيط لدار النشر والتوزيع ومياخدش هو اى مليم !!
واخيرا .. هاحاول اجاوبك على سؤالك بأن كل حاجة تحتها كلمة اسلامى او دينى بتبقى عرضة للهجوم والنقد
هو السؤال نفسه مش صحيح اوى .. لأن دلوقتى كل حاجة اصبحت عرضة للهجوم والنقد .. يعنى قوليلى فيه ايه دلوقتى مابننتقدهوش ولا نطلع فيه القطط الفاطسة سواء ما صنف بأنه دينى او فنى او غيره؟
مفيش استثناءات خالص - اللهم الا الحاجات اللى تودى ورا الشمس وتؤدى لمحاكم عسكرية عاجلة - .. لكن حتى الحاجات اللى تودى النار (كما يعتقد البعض) لم تدخل فى دائرة الاستثناءات
علشان كده بأقول - والله اعلم- ان اللى بينتقد حاجة انتى مصنفها تحت بند دينى او اسلامى فهو بيحاول ان يربىء بشىء عظيم القيمة زى دين او اعتقاد من جهل الجاهلين او تكالب المتنفعين ممن هم ليس فوق مستوى الشبهات
وده طبعا لو صح وصف الموضوع محل الهجوم بأنه دينى او اسلامى .. فالموضوع نسبى وما تصنفينه انتِ تحت هذه الفئة قد يضعه آخر فى فئة مغايرة تماما لاتحكمها آية محاذير او خطوط حمراء
ياريت متزعليش من كلامى واتمنى اشوف تعليقاتك على المواضيع اللى بتتفقى معايا فيها
الايرانيين لبسهم دايما اسود وقد يكون المخرج ايراني لأن حتى في مكة مشهورين بأنهم بيلبسوا اسود عكس اغلب الناس اللي بتلبس ابيض انا برضه ضايقني ده في الكليب جدا
وتاني التعليقات لها ثقل :)
Post a Comment