القسم العربى
1- سيد الملاح وجيمس براون
2- سعاد حسنى واحمد زكى - هو وهى
3- فيروز - تك تك تك يا ام سليمان
4- فيروز - انا لحبيبى وحبيبى الى
5- نيللى - فراشة صغيرة
6- منير - شيء من بعيد
7- عبدالوهاب - لا مش انا اللى ابكى
8- سعد عبدالوهاب - الدنيا ريشة فى هوا
9- محمود العسيلى - ترررم
قسم الموسيقى التجريبية
1- سعاد ماسى - LaTerre
2- Zain bhikha - A is for Allah
3- زرياب جاز - كان الشيطان - ripped from zeryab.blogspot.com
4- Mozart In Egypt
قسم الموسيقى التجريبية
1- سعاد ماسى - LaTerre
2- Zain bhikha - A is for Allah
3- زرياب جاز - كان الشيطان - ripped from zeryab.blogspot.com
4- Mozart In Egypt
37 Comments:
الله ينور
ذوقك هايل يا ايماتيور
تحياتي
على فكرة في قصة جديدة عند مالك
إيماتيور..
الراديو الكاترون اختياراته جميلة ويتمتع بنقاء الصوت ولا راديو
Boss
علي فكرة كاترون كانت ماركة راديوهات بجد ، في عصور الزمن السحيقة من الطفولة كان عندنا راديو كاترون علي شكل بيانو .. أه والله. وكانت مفاتيح التحكم أبيض وأسود وشكله زي بيانو أبيض .. حاجة تحفة. طبعا مش هأقولك علي الراديو اللي كان في بيت جدي .. كان دولاب مش راديو وكمان جرامافون... أيام.
كان كاترون علي ما أعتقد تصنيع الشركة الشرقية للدخان...
شكرا علي خطوات عمل راديو للمدونة .. وجاري التصنيع.
إختيارات جميلة.
قلت اشوف التحديثات خصوصا ان فيه حاجات بحبها
بس حرام عليك يا ايماتيور بجد
الاقى
سعيد الهوى اشتغل
قلببى
".!
الله ينور عليك يا دكتور اسامة .. انا بانتظار البوضاعة علشان اعمل قسم جديد بأسم
The Child within
واحط فيه بعض الاغانى اللى فى القسم العربى
انا رايح جرى اهوه لمالك اشوف البوست الجديد
الله ينور عليك بجد..مدونة رائعة..
دكتور وليد
على فكرة انا مش حاطط الاغانى بدرجة نقاوتها الاصلية علشان حجم الملفات ميتضاعفش .. لو حبيت تحط اغانيك بنقاوتها الاصلية استعمل الباتش اللى اسمه
convert64_xp.bat بس طبعا حجم الملفات الناتجة هيبقى كبير شوية.
حاجة اخيرة بخصوص موقع الاستضافة نفسه .. هو بيدى 500 ميجا مساحة تخزين و5 جيجا باندويدث .. وبعد شهر بيعمل ريسيت للباند ويدث المستخدم .. يعنى لو استخدامك للملفات وصل لاكثر من 5 جيجا بعد 25 يوم مثلا الاكاونت بتاعك هيقف لمدة 5 ايام وبعد كده هيشتغل تانى لوحده بعد ما يصفر رصيدك من الباندويدث لكن طبعا هيحتفظ بملفاتك واعدادتك زى ماهى
اما بقى بخصوص موضوع ماركة كاترون فانا عارفها طبعا هى فعلا قديمة اوى ولاتزال تقوم بتجميع اجهزة تليفزيون وفيديو تحت رعاية شركة اخرى بأسم بنها للصناعات الالكترونية
دنانير
انا حذرت قبل كده من سعيد الهوا مطرب الامباليه والسلانسيه وقلت ان اللى هيسمعه يبقى على مسئوليته الشخصية .. على فكرة هو نبرة صوته متفرقش كتير عن الشاب خالد مثلا او مايكل بولتون او حتى راى تشارلز .. بس هى طريقة الاداء والمدرسة الغنائية التى ينتمى اليها هذا الاورجانيزم غريبة حبتين
هشام افندى ابوطاقية
مفيش الشيخ امام .. هنا مش برنامج مايطلبه المستمعون حضرتك .. جرب المدونة اللى جنبنا .. وبعدين انا احب اقرا للفاجومى لكن عندى من الشجاعة مايسمح لى بالتصريح بأن الشيخ امام لا يطربنى كما ان ام كلثوم قليلا ما تطربنى هى الاخرى .. هاه ايه رأيك بأه ؟؟
ولو الحيت فى طلبك تانى هاحطلك اغانى لرامى عياش وعامر منيب وهيفاء ويمكن حميد الشاعرى واحتمال دانا كمان !!وعليا وعلى اعدائى
هو لو أنا عايز أعمل راديون زي ده عندي ، أجيبه من فين؟
انونيمس
شكرا لذوقك
:o)
ربيع
روح للينك ده وهتلاقى فيه كل الخطوات
http://forums.radioblogclub.com
/viewtopic.php?t=8020
شكرا على الميل ياباشا
خلتى خلتى مش عيز يخلينى اشمع عبحليمحافز ياخلتى
إيه أغنية تررم دي؟:D
أول مرة اسمعها.. انت وقعت عليها منين دي؟ واشمعنى اخترتها يعني؟
كنافة وبقلاوة؟:D
بس سكر قوي والله..
مبروك التحديثات الجديدة.. ذوقك حلو قوي.. باستثناء سعيد الهوا طبعا:P
تسلم ايدك ... وعقبال الفضائيات؟؟
بالمناسبة وبعد اذنك يا ايماتيور عندي سؤال مهم جدا للدكتور أسامة
د. أسامة
معلش كان ليا سؤال حاموت من الفضول لو ماسألتوش .. ويمكن أموت من الكبسة لو حضرتك مارديتش عليا..
يعني ايه "مأيطة"؟ ويعني ايه verb "يتمأيط" اللي مشتق منها؟
اسلامى
اغنية تررم دى اغنية جديدة لسه بتتذاع على الفضائيات والمفروض ان العسيلى بيغنى لبنته علشان تروح تنام
هو بصراحة العسيلى بيحاول يعمل لون جديد لنفسه ومكنتش عارف احطه فى الاغانى العربى ولا قسم الاكسبريمنتال.
وبعدين ماله سعيد الهوا مش عاجبك ليه ؟؟ دا انا حتى سمعت انه هو اللى عمل اغنية المقدمة وموسيقى الساوندتراك بتاعة فيلم جيمس بوند الجديد اللى اسمه "كازوزة بريال" يعنى مطرب واصل
اما موضوع فرب يمأيط وتصريفاته السبعة .. فدى لغة سكندرية ترجع اصولها للغات المستخدمة فى عوالم تولكين .. وهذه اللغة لغة منطوقة وليست مكتوبة وغير مسموعة لغير الاسكندرانيين الاصليين .. يعنى علشان تقدرى تسمعيها .. لازم تكونى قضيتى سنوات فى "الازاريطة" و"بوكلة و "كمبوشى زار"و "باوالينو" وجميع مناطق الفالاهالا السكندرية ...
عموما .. انا مليش دعوة .. السؤال موجه للدكتور اسامة مش ليا
إيماتيور..
ياراجل .. سعيد الهوا زي راي تشارلز، طب راي ده أصل
R & B
وكان بيكتب بعض أغانيه ويلحنها .. إنما سعيد الهوا بيعمل للأغنية نص عمرة موتور.
يمكن عشان كده رايتشارلز قال:
Hit the road Sa3eed or Jack
وبعدين اللغة السكندرية دي أصلها قديم جدا من أيام الحاج اسكندر يعني قبل تولكين .. زي في مرة اخدت عربية للميكانيكي اللي عارفة عشان يقول لي رأيه وكان الحوار كالآتي:
ـ ايه رأيك في العربية ياعم إبراهيم
ـ يادكتور دي عربية علي أبوها
ـ ياراجل .. وده معناه إيه
ـ يادكتور بأقولك ده توربين توته علي كبوته
ـ الله يحرقك ياعم ابراهيم هوا انا فاهم الاولي لماتقولي التانية
وهكذا كانت المسألة ..
أكيد أسامة هيلاقي للكلمة أصل .. ده معجم لوحده.
وعاشت الاسكندرية حرة مستقلة
مع الا عتزار على الدخول الدرامى
مايطة
اصلها انكليزى
to mock (at)
ومعنها سخر او استهراء افشخرر
معجم
عبد الحميد الترزى
استاذة اسلامي ولو انك مبتعبرنيش
ولا بتدخلي عندي حتى
فمأيطة يعني تريقة بس بدرجة اقل
يعني الواحدلو عايز يتريق على حد بس من غير زعل
يبقى بيمأيطه ويديله كلمتين في جنابه
وهي اسكندراني فعلا
مسمعتهاش في القاهرة
الدرجة الاعلى يمسخره
اي يجعله مسخرة
اتمنى اكون اوفيت واشفيت
ومنرضاش لا تتقهري ولا تنكبسي
وان شا الله العدوين
سعيد الهوا مشهور جدا وسط المغنين
ومحبوب كمان
وهو عسل
يا ايماتيور
الف نهار ابيض
عزيزى إيمانيور
ده أنا طلعت نايم فى العسل ,يعنى عملت راديو وعملتله تحديثات كمان , المهم كنت ناوى أطلب اغنية الدنيا ريشة فى هوى بتاعت سعد عبد الوهاب لقيتك قلت لهشام هنا مش برنامج مايطلبه المستمعون وروح المدونة اللى جنب مننا وحاجات من كده , طيب أحنا من أسكندرية زى بعض ويمكن أعمل أنا راديو كمان وتعوزنى فى أغنية أو موال عموماً مبروك على الراديو وعلى أختيراتك الجميلة والغير مألوفة أحياناً
تحياتى
دكتور وليد
عاشت الاسكندرية حرة مستقلة .. فكرتنى بجمال الدولى معرفتش انت عاصرته ولا لأ .. ده كان ظاهرة لوحده تحتاج لدراسات عديدة .. مش عارف اختفى فين ؟؟ المهم انه كان له دايما اقوال مأثورة وانا اعتقد انه ابو المدونين كلهم من قبل ما تظهر المدونات بعصور .. لأنه كان بيكتب اقواله على كل حيطة وسور فيكى يا اسكندرية .. من ارقى منطقة لاوطاها .. كان الدليل الحى على ان الفراعنة مماتوش وانه لسه فى ليهم احفاد بيحبوا يكتبوا ويشخبطوا على حيطان المعابد والمقابر ودروات المياه العمومية.
المهم هو انه مرة قال لما كان ناوى يرشح نفسه لانتخابات الرئاسة فى احد السنين . كتب برنامجه الانتخابى على سور نادى سبورتنج وقال
"جمال الدولى ينوى تحويل الاسكندرية الى دولة (عظمة)" ... ومن بعدها مظهرش تانى !!
هشام باشا
عبدالحميد الترزى ده غير عبدالمجيد الصحاح ؟؟ ولا ده احد اصدارات وبستر ؟؟
دكتور اسامة
اسلامى سألتنى نفس السؤال ولكنها لم تعترف باجابتى المتواضعة بل وصارحتنى بأنى انى كمان شكلى مش عارف معنى الكلمة وانها ستذهب لمدونتك لتسأل عن اصل هذه الكلمة العجيبة .. وانا ايمانا منى بحرية الرأى والتعبير .. سبتها تنشر سؤالها هنا ولم احذفه مع انى ديكتاطور فى الجزئية دى واتبع سياسة الحكومة اللى بتقول
"من حقك تقول رأيك ... ومن حقى اقبض عليك"
عموما .. هو دايما زامر الحى لا يطرب والشيخ البعيد سره باتع
.. شكرا يا دكتور انك جبتلى حقى ..
ودمتم
علاء السادس عشر
انت تأمر .. غالى والطلب رخيص .. انا قلت لهشام كده علشان انا بيستفزنى انه بينطرب جدا من الشيخ امام بينما انا عاجز عن ذلك .. فحبيت افش غلى . ده غير انه مديون لى ببعض النقود والادوات المنزلية .. فمبيقاش شحات وعاوز عيش فينو !!
لكن حضرتك حاجة تانية .. ده غير انى باحب سعد عبدالوهاب برضه .. وعلشان كده هاضيفها فى اقرب وقت بإذن الله
بجد جمال الدولى محتاج تغطية بصفته اول المدونين
اظن ان المحجوب دخلومستشفى المجنين
المحجوب مشى وحيرجع تانى
د. أسامة
أولا ربنا يكرمك يا رب انك حليت لي الفزورة اللي بقالي كذا بوست باحالو افهمها ومش عارفة..
بجد جزاك الله خيرا
ثانيا انا مش أستاذة.. أنا واحدة غلبانة جدا وبالفعل انا بازور مدونة حضرتك وباكتفي باني انبهر .. ولعلم حضرتك .. أنا بقالي مدة كبيرة باعاني من نضوب .. مش عارفة ليه.. حتى مدونتي قربت تعشش فيها العناكب من قلة كتابتي..
د. وليد وهشام ربنا يكرمكم وججزاكم الله خيرا بجد على تعاطفكم مع الغلابة الفضوليين امثالي.. ومساعدتكم المثمرة..
إيماتيور
بلاش أقول حقيقة الحوار اللي دار بيني وبينك عن هذه الكلمة.. واللي على أثره قررت اني اسأل د. أسامة رأسا.. خصوصا اني تحت إيدي أدلة .. :P
الله عليك يا جميل
ايماتيور يااستاذ
انا معاك في كل اللي قلته يا حبيبي
هو دايما كده الولي البعيد سره باتع فعلا
اما عن جمال الدولي هذا الجميل الذي ظهرعاريا
سلبوتة على شاشات التلفزيون المصري
في نهائي كأس مصر لكرة السلة في طنطا
مثله مثل السويديين الاربعة في قصة فن لفليسار والذي كان يحب باباه ومامته وليلى علوي
والاتحاد السكندري
فهو فعلا ابو التدوين وحفيد الفراعين
ماتكتب عنه يا ايماتيور...محبتي الدائمة
مازال الباشا يبحث عن الشريط وسيتم ارساله فور وصوله
هشام افندى ابوطاقية
بقى المحجوب دخل جمال الدولى مستشفى المعمورة ؟؟ غريبة دى اول مرة اسمع الكلام ده !!
طب ياريت لما تروح تاخد الجلسة بتاعتك هناك وتصرف الدوا ابقى سلملى عليه اوى واوعى تقوله ان اميتاب باتشان عيان لحسن يتنكس وميرضوش يطلعوه .
بس خسارة صحيح .. انا كان نفسى فعلا جمال الدولى يمسك الرئاسة .. كان هيصلح حاجات كتير .. عموما جمال من جمال مفرقتش كتير
تحياتى يا استاذ
علاء السادس عشر
تم تنفيذ المطلوب سيادتكم.. واى خدمة
مودتى
جميل !
ممكن أطلب منك طلب
تعلمني إزاي أحط راديو في مدونتي
و منين جبت اغنية ريم البنا !
جميلة جدا
:)
د.محمود
روح للينك ده وهتلاقى فيه كل الخطوات
http://forums.radioblogclub.com
/viewtopic.php?t=8020
ولو حاجة وقفت معاك ابقى قولى
بالنسبة لاغنية ريم بنّا فأنا نزلت شريط لها بعنوان "مرايا الروح" من على الايميول وكان فيه اغنية ستى العارجة اللى اعتقد انها من الفولكلور الشامى
لو عاوز الشريط ممكن ابعتهولك على الايميل لو اديتنى عنوانك
شكرا لمرورك :o)
عاجبتنى جدا اغنية , انا اصلى زعلان شوية ..
عشانى لا اتذكر عنوان مدونتك بالضبط (وهذا تقريبا مع كل المدونات) .. فا اروح ادخل عند مالك او اسامة ,, لما ما تطلع اسماء المدونات عند الدكتور .. , افتح التعليقات وادور تعليقاتك , عشان افتح مدونتك !!!
واسمع الأغنية !
طيب , بما انى نبيهة جدا فى النت ..
راح اسأل سؤال .. لو غيرت مدونتى الى بيتا , هل يتغير شىء فى السيتنج !!!!
يعنى مثلا , هل لازم اضيف اسماء المدونات اللى على جنب ولا يظل كل شىء على حاله
وكان ,, هل راح توصلنى ان فيه ردود على الميل تبعى , يعنى على الهوت ميل . ولا تروح فى مكان ثانى..
وكمان .. شلون اخلى اسم المدونة يطلع يعنى مثلا , بلاسيبو بدل ما يطلع ال
URL
وبس !
استنى شوية !!
انا شكلى (قريييت على روحى ) !! لأن راديوّك مو راضى يشتغل !
د. ايمان
نأسف للعطل الفنى ..الراديو كان واقف علشان كنت باضيف بعض التحديثات للقطع الموسيقية
اما بخصوص البوست السابق
فاغنية وجيه عزيز "زعلان شوية" فهى رائعة طبعا وتمثل حال اى بنى آدم خلال رحلة حياته كلها تقريبا !! وكذلك ردود افعال الناس المحيطين به وتجاوبهم معه
نيجى لسؤال حضرتك بخصوص الابجريد الى بلوجر بيتا .. فأنا عملت الموضوع ده من اكثر من شهرين .. ومش عارف ان كان لسه بنفس السهولة ولا غيروا فيه حاجات .. بس لما نفذته كان بيحتفظ بكل اعداداتى السابقة عدا نقل عناوين المدونات الصديقة كان لازم اضيفهم من تانى .. بس الموضوع كان سهل كتير بعد ما اضافوا ويزارد مخصوص لاضافة اللينكات دى تانى .. يعنى الموضوع ده مش هياخد منك دقايق .. بس يفضل انك تنقلى عناوين المدونات فى ورقة او ملف احتياطى علشان ميضيعش منك احد العناوين
واكيد قبل ماتعملى الابجريد هتلاقى ملف او موضوع مساعدة او "ريد مى" فايل يشرح الموضوع باكمله .. ياريت تقرأيه قبل ما تبدأى
سؤالك الاخير بأه فأنا للاسف الشديد مش فاهمه .. معلش اصل فهمى بطىء حبتين لدرجة انى لحد الآن مش عارف ترجمة كلمة شلون !! هل هى بمعنى "كيف" ام بمعنى "ازيك" ؟؟ .. اعتقد لو كتبتى السؤال بالانجليزى هافهمه احسن لان مخى متركب شمال
هههه .. لأ حلوة !
شلون يا سيدى , هى كيف !
لما اريد اسأل عن كيف حالك
راح اقول .. اشلونك !
يعنى ثمل اللبنانيين (كيفك ؟)
سؤال هو بالشمال !
see, i want to put sites names that i read, some of which r bloggers, so in the formatting,i put the link (www.&^%$.something.com) thats called the URl right !
then, my prob. is that i dont knw how 2 turn the URl into the word, or name that i want to write, so that names comes up, fr exmple, for malek blogger, u wrote malik, not the whol add.. got me !
i hope so.
thas all.
thanks
دكتورة ايمان
شكرا على شرح كلمة "شلون" المبهمة .. دلوقتى اقدر اسمع اغانى جوليا بطرس وانا حاطط رجل على رجل
ثانيا :
تعريفك لليو آر ال صحيح وهما ما نراه على هذا الشكل
www.blabla.com
اما بخصوص سؤالك عن وضع اسم كإلياس لعنوان موقع .فده سهل جدا فى البلوجر بيتا .. لان الويزارد الخاص باضافة المواقع المفضلة لديك هيسألك عن اليو آر إل الخاص بالموقع وبعدين هيسألك عن الاسم اللى عاوزاه يظهر بدلا من هذا العنوان الكبير
اما فى البلوجر القديم فلابد من اضافة اسم الموقع بصيغة الاتش تى ام إل على النحو الموجود فى الصورة
هنا
وبكده تظهر كلمة
emanff
وعندما نضغط عليها يذهب المتصفح الى موقع
http://mind-sausage.blogspot.com
مفهوم يافندم ؟
ياااه ..
كل ده يطلع فى حتة اسم
شكرا جزيلا يا بلاسيبو
Mozart L'Egyptien
من امتع الاعمال الموسيقية التي تلمس النفس بجمالها و بأصالتها، موسيقي حقيقية تماما مثل الموال الذي يبدأ به العمل، حقيقي كله احساس ، يذكرني بمصر زمان أيام أهلها الحقيقيين
هل تعرف اين هم اليوم؟؟؟
ايمان
Mozart in Egypt CDs
او
Mozart L'Egyptien كما تسمينهم
لم اسمع اعمالهم الا بعد استخدامى للانترنيت كمصدر للحصول على الموسيقى
اعتقد انه لم يصدر لهم سوى اسطوانتين فقط يضمان حوالى 25 قطعة موسيقية .. ولم توزع لهم اى شركات مصرية وان انتشرت موسيقاهم عن طريق بعض المحلات التى تنسخ الاسطوانات من محبى الموسيقى الذين يهوون الترحال والسفر للخارج وبالذات فرنسا حيث حققت تلك الموسيقى نجاحا معقولا ..
تحياتى ومودتى
Post a Comment