اليكم بعض الاضافات لبعض الافلام والمسلسلات بقسم الموسيقى التصويرية العربية
من على اسماعيل والظاهرى واندريا رايدر الى كمال بكير وجمال سلامة وراجح داوود
من باب الحديد والشيطان يعظ والايدى الناعمة لاحلام الفتى الطائر وايام طه حسين
بعضها منقول من سيديهات من كارفور وفيرجين ميجا ستورز
والآخر مسجل بالطريقة القديمة عن طريق كاسيت ناشيونال صغير موضوع بجانب التليفزيون
لكن اغلبها يعود فضل تسجيلها ووضعها على الانترنيت لاشخاص آخرين لم يتسنى لى معرفتهم لاشكرهم ولكنى استطعت سرقة تسجيلاتهم لوضعها فى راديو المدونة وهى طريقتى الخاصة للاعتراف بفضلهم.
وكعادتى .. فانا لا اهتم بالترتيب الزمنى للعمل الموسيقى او النوعية او اى شىء فوضعتهم كيفما اتفق لذلك هيىء نفسك لان تخرج من الموود الموسيقى لفيلم السفيرة عزيزة الى فجر الاسلام ثم العودة الى العار والكيف واخيرا النوم فى العسل
5 Comments:
هو مفيش أي طريقة لسرقة تراكات من راديون المدونة؟؟
لا طبعا !! هوا اللى بنعمله فى الناس هايطلع علينا ولا ايييه
:o)
عموما هو لو انتى بتعرفى تروحى للملفات اللى فى الكاش بتاع البراوسر هتلاقى نسخة من كل التراكات اللى سمعتيها لآخرها وممكن تشغيلها باى فلاش بلاير او ميديا بلاير كلاسيك
أولا: شكرا أنك بتفكرنا بحاجات ممكن نكون بنحبها لكن بتقع من الذاكرة مع الزحام :)
ممكن أدلى بدلوى فى موضوع الإقتباسات الفنية ده !?
طريقة جميلة للحصول على ملف
mp3
من أى أغنية أو قطعة موسيقية صعب
تلاقيها فى العادة أنك لما تلاقى نسخة كويسة على
youtube
تأخد عنوان الصفحة URL
و تفتح موقع
flv2mp3.com
وتحول الموسيقى لصورة ممكن تسمعها فى أى مكان بنفس جودة الملف على الفيديو بالضبط
تحياتى
Mmm!
شكرا على الدلو الجميل ده
بالفعل اليوتيوب مليان درر كتير وباقعد امامه لفترات طويلة لما اكون زهقان
بس بالنسبة للراديون اللى عندى احيانا باجد صعوبة ان اضمله ملفات محولة من
flv to mp3
لانه بيستعمل ملفات من نوعية
rbs
وهى نوعية اخرى من ملفات الفلاش زى الـ
flv برضه
وبالتالى التحويل من اف ال فى الى ام بى ثرى ثم الى آر بى اس بتكون النتيجة ان الملف ميرضاش يشتغل على الراديو فى اغلب الاحيان ..
علشان كده انا باسجل ملفات اليوتيوب باستخدام الريل بلاير 11 صوت وصورة واحتفظ بيها على جهازى .. لكن لا اضعها على الراديو
وانتى عاملة ايه دلوقتى ؟
:o)
كله تمام
شكرا للسؤال
Post a Comment